Buxoro davlat texnika universiteti

E’LON

Buxoro davlat texnika universiteti huzurida faoliyat yuritayotgan Ilg‘or muhandislik maktabi va texnopark zamonaviy bilim, amaliy tajriba va innovatsiyalarni uyg‘unlashtirgan ilmiy-ma’rifiy markaz sifatida yuksalmoqda. Prezidentimizning tashabbus va qo‘llab-quvvatlashi tufayli universitetda talabalar, izlanuchilar va yosh mutaxassislar uchun ilmiy g‘oyalarni hayotga tatbiq etish, amaliyotda sinovdan o‘tkazish va ishlab chiqarish jarayonlariga joriy qilish uchun zarur moddiy-texnik baza yaratilgan. Ilg‘or muhandislik maktabi tarkibidagi laboratoriya xonalari raqamli texnologiyalar, neft-gaz kimyosi va muhandislik sohalaridagi dolzarb yo‘nalishlarni qamrab olgan. Bu imkoniyatlar yosh tadqiqotchilarga zamonaviy yechimlar ishlab chiqish, ilmiy izlanish olib borish va sohaviy muammolarga innovatsion yondashuvlar taklif qilish imkonini taqdim etmoqda. Universitetda yo‘lga qo‘yilgan dual ta’lim tizimi esa talabalarga nazariy bilimlarni chuqur o‘zlashtirish bilan birga, ishlab chiqarish korxonalarida amaliy ko‘nikmalarga ega bo‘lish imkoniyatini bermoqda. Bu jarayon ularning kasbiy salohiyatini oshirish va raqobatbardosh mutaxassis sifatida shakllanishiga xizmat qilmoqda. Texnoparkdagi loyihalar mahalliy va xalqaro hamkorlar bilan ilmiy aloqalarni mustahkamlash, startap tashabbuslarini rivojlantirish hamda innovatsiyalarni tijoratlashtirishga yo‘naltirilgan. 

Buxoro davlat texnika universiteti – ilm-fan, dual ta’lim va innovatsion taraqqiyot maskani!